lyrics كلمات شيلة العرض المنزه – فيصل المداريه

يا صباحٍ (ن) مر مدري وين خير
كان عندك خير عجّلي ودزّه

من بزوغ الفجر لي بعد الظهيره
والجروح اللي بقلبي مستفزّه

ما تجيب النوم يم العين سيره
بس اناظر وانشد الغيم واخزّه

وين راح وكيف راح ووش مصيره
الوفا وين الوفا وين المعزّه

اي نور ؟ واي خير ؟ واي خيره؟
تل قلبي من معاليقه وجزّه

ليه يقفي ؟ ليه ما حكّم ضميره ؟
ليه سيف الهجر في قلبي يقزّه ؟

ليه يهجرني ؟ وانا ما حب غيره !
وعن هوى الخفرات نفسي مشمئزّه

هو مليك القلب سلطانه واميره
والفؤاد اللي متى ما شاء هزّه

صح اخطائي معه كانت كثيره
وكنت احدن لاخر حدوده ولزّه

بس بالفرقا يجازيني كبيره !!
كيف شيطانه على بعدي يوزّه ؟

كيف ضام الخافق وولع سعيره ؟
مثل ما ضام اليهودي شعب غزّه !

بس كلمه قبل انفاسي الاخيره
دام من يمناك موتي لي تكزّه

ما عشقت الا انت فوق المستديره
ولا بغيت الا انت يالعرض المنزّه