كلمات موال البودر والمسيكب ابو الشوق وعيد

نستعرض معكم كلمات مهرجان موال البودر والمسيكب ابو الشوق و عيد مكتوبة كاملة حيث تم صدور الاغنية على موقع يوتيوب

كلمات موال البودر والمسيكب ابو الشوق وعيد:

‏ياليلي ياليلي يـاليلي ياااااااااااليل
عجبى على راجل يا اخويا كانت البشر هيباه
واتلط فى طريق الغلط واهو ضيع اللى معاه
شرب الملعون اللى اسمو البودر وفـ وسط الوهم تاه
واهو صبح هلفوت يا اخويا والناس بتديلو على قفاه
انا شوفت المتسيكب
فى الشارع بيقدف
فاكر نفسه فى مركب
ودماغه عماله تحدف
بيكلم ف الشجره
بكلام مالوش معنى
واهو بعد ما كان عتره
فى عزاه اتجمعنا
فى عينيه رعب يخوف
وكأنه بيتحاسب
ما اهى سكه وبتهلفت
مفهاش سنتى مكاسب
ياللى انتا بتاع بودر
المدمن متقدر
مستنى على الناصيه
عايز اكتر واكتر
كل اللى داق منها فى السكه راح ومرجعش
ملهاش علاج ولا دواء حتى الكلام منفعش
كل اللى لطشو الهوا مات فجأه متودعش
ياما ناس كتير نصحوه لكنه غبى ومسمعش
ياخساره الرجاله
أتباعت فى وكاله
فيها كار اسمو الماده
بقا فى الشارع حاله
لما دماغك تكلك
عايز تنسى مشاكلك
ادمان هيجيب اجلك
ياض فوق بص لشكلك
دى سجاره قلت منك
كله بيبعد عنك
عجزت وبقا وشك
مش لايق على سنك
بألاسم يدوب عايش
لكن جسمك بايز
متغيب مش شايف
اعمى وعقلك طايش
فى طريق الموت ضايع
متسوح مش راجع
وعامل مش سامع
مش عايش فى الواقع
ماشى مش عارف يمشى
ودماغه مبتنمشى
الكيف مبيرحمشى
وعلى الله متندمشي
يبن الحلال اتعظ واصحى من الاوهام
قبلك اسود واترمت فى السكه شافو ايام
مليانه حكمه وعبر ولا يكفى فيها كلام
ناس شافو فيها خيبه فى دنيا محتاجه عمر علام
ليه مسلم لشيطانك
وبتعشق دخانك
دى اخرها ياواد موته
وهتسقط فى مكانك