كلمات مهرجان ملقتش غير الغسالة حمو الطيخا

كلمات مهرجان ملقتش غير الغسالة حمو الطيخا مكتوبة كاملة حيث تم طرح الاغنية عبر اليوتيوب على قناة حمو الطيخا – Hamo Eltekha الرسمية.

كلمات مهرجان ملقتش غير الغسالة حمو الطيخا 2021 :

مالقتش غيرك يا دراعى فى وقت بكايا تمسح دمعى
مالقتش غير أنا غير أصحاب فى وقت الفاركه بتجمعلى
مسمعتش غير تكريتهم ألفاظ بجحه ماتتسمعش
أحزان و جراح و عذاب مجموع أكتر يابا من جمعى
أنا مين يقدر يواجهنى و ينزل قدامى يا زماله
أنا عارف أخر خصمى يكرت يلقح على الحاله
معرفش أفخد مره اللى ينكشنى فى نقاله
اللى يطبل أنا عارفه بناتى أبن الطباله
مالقتش واحد ينفعنى و يوجهنى فى طريقى
مالقتش صديق يسندنى علشان أنده أنا بصديقى
الصادق بقى كداب و الكداب كلامه حقيقى
الصاحب وانس للخصم و الخصم طلع ليا شقيق
ده أخويا الشق و زميلى قالى الفرحه هتبقى دمار
قولتله العوايد جيهتنا و عزبه محسن خط النار
أحمد تاتور متألق حالف لا هيعمل إعصار
عمر التاتور ده المغامر قاله الفرحه ديه 5 ستار
أنا أفيونه مش بتهدد مبخافش غير من اللى خالقنى
أنا قد الدنيا بحالها صعب إنها يوم تسابقنى
تحاربنى بجيش طرواده عُمرى ما هقول مين يلحقنى
مافيش أغلى من العُمر اللى بيجرى يروح و يفارقنى
مالقتش أنا غيرك ياما فى وقت الضيقه بتدعيلى
مالقتش أنا غيرك يابا لما أزعل تيجى تواسينى
أما الشارع بيعلم ده درس منك يا زميلى
أنا أخويا بالدنيا بحالها أنت بس اللى صافيلى
تسحب سكينه يابن أمك ألعب وياك كام جوله
بين جوله و جوله فيه جرح و اللى هيجرح يستولى
أسأل قبلك دمرت عيال قطاقيط ويا عتاوله
أسمى مسمع على الكوكب قائد يابا أيها دوله
فى كتاب أوجاعى هكمل و أكتب عن كل الماضى
اللى أستغل الشده و داس على قلبى و جاه قصادى
مش ناسى غدركو ده فى راسى أصل منكو مش مرضى
و طالما مش مرضى تيجو بره أرضى و تشوفو مين فاضى
مالقتش غير الغساله تغسل يابا نيتكو الوسخه
ده كلامكو بقع بتبقع طعم جراحكو حاجه ماسخه
أنا مش محتاج لزمايل أنا صحبتى يان النازله
ده الوش فيكو ب ميت وش
معنى النسخه ب ميت نسخه
حُبك ساكن جوايا أصل أنتى دوايا علاج نفسى
حبيت أمك يا غزالتى اللى يزاولك بقى خصمى
أنتى أشيك من موناليزا جسمك كيرڤى بطل رسمى
أنا دبله بنت حياتى كاتب أسمها زائد أسمى
هطلع بيكى على الساحل و هنركب لانش العشاق
و هنرقص أحلى سلو أنا و أنتى لبعض بنشتاق
عُمرى ما أسيبك مره أنا مش حِمل لأى فراق
قلبك بحر مغرقنى باجى فى حضنك أنا بغرق