كلمات شيلة يلج الشوق عبدالرحمن القريشي

نستعرض معكم كلمات اغنية يلج الشوق عبدالرحمن القريشي 2022 صدرت الأغنية عبر YouTube على قناة براند لحن – ALIS3ED الرسمية.

كلمات الاغنية:

يلج الشوق في صدر الوحيد الي ذبحْهْ الخوف
لْـ ماضي مايعود وحكمة الايام دوّاره

تنحّر للهبوب البارده متعجلٍ ملهوف
يدوّر للنّسم من ضيقةٍ فكّت له أزراره

توجه مسرعْ الخطوه وإلىٰ كل العلوم وقوف
بوجهه والطواري كل طاري رافع الشاره

وقف وسط المشاعر كنّه الواقف مابين صفوف
يصوّت للفرح واثرهْ نفوه وهدّموا داره

وعلى وقع المسامع يسمع اصياحاً وضرب دفوف
وفي صدره تشنّ جيوش غاره من ورا غاره

وفي عينه يشوف الغايبين يلوّحون كفوف
وكل يومٍ تعيد الذاكره وتزيد تكراره

يشاهد رحلْهم للبعد إلين أبعد عليه الشّوف
وضيّق خاطره مهجاد ليلٍ يسدلْ ستاره

يورّاله محد داري لكنْ عند العرب مكشوف
تبيّح نظرة عيونه وصمته حزمة اسراره

وجوده وجد منهو عند ربعه فالسّخا معرووف
و دق الفقر بابه واحقروه وقل مقداره

يحسّ بـ حرها كن ميسمٍ يكويه وسط الجوف
عقب ماهم نسوه وطمْعتهْ يدرون فـ اخباره

لكن من بعدها ياماضيً كلك غبن وحسوف
تقدم للموادع دام كلن قدم اعذاره

وخرجت مع الطريق المظلم الخارج عن المألوف
وجيت مع الطريق الي يودي لعتبة داره