كلمات شيلة يا عمير اقدم فهد بن فصلا وفالح بن فصلا

الزوار الكرام نقدم لكم اليوم كلمات اغنية يا عمير اقدم فهد بن فصلا وفالح بن فصلا وتم صدور الاغنية عبر موقع YouTube على قناة بصمة الابداع للمونتاج.

الكلمات:

صوت بن فصلا يشوش كل هامه
القصيده تو راعيها كتبها
ابشروا بالفال قدام الكرامه
جات نجد وصوت راعيها جذبها
اقبلت لمنافس ن زاد احتدامه
اكسبت الاول وشوّقنا طربها

من يفرق فالشداد وفالمسامه
يدري ان ماعز نجد الا عربها
حن عيال اللي تحدّر من تهامه
شايب ن حول على نجد وكسبها
ياعمير اقدم تعدّاك الملامه
يافخر كل قحطان وياعجبها
انت في جو الصياهد لك علامه
لارسمت حدودها ماحدن قربها
من بعد حرب مثل حرب الرغامه
اتعبت ناس يخلّف الله تعبها
سلّموك اهل المغاتير الزعامه

كل منهم قال تستاهل رح بها
ياولد روق اطنخ وطش العمامه
دام ذودك روس قحطان ٍجنبها
دام معك الي ينومسنا مقامه
ابن جخدب وقفته كل يحسبها
للتحدي مايعرف الانهزامه
كل ماصبوا فناجيله شربها
ياعيال العود حامين الجهامه
الاوايل حاضرين في طلبها

كل منكم للوعد يكرب حزامه
كل منكم عصْبة الراس يعصبها
نرهج الميدان وتقوم القيامه
نكسر الاخصام ونطّوع صعبها
علّم اللي شب ناره فالعدامه
ينتبه للنار ويزوّد حطبها
كان جاه السيل من خلفه وامامه

يقّشع اطناب الخيام اللي نصبها
كم شجاع ن ماتجي حوله رخامه
صاح من جور قحطان ومن غضبها
ودّنا يسلم لكن ماله سلامه
قدرت الله غالبه ماحدن غلبها
الله يعدّي عيال العود آثامه
يوم قالوا موتته حنا سببها