كلمات أغاني

كلمات شيلة والنعم بحرب بدر الشعيفاني

كلمات أغنية والنعم بحرب بدر الشعيفاني و شبل الدواسر مكتوبة كاملة حيث صدرت الاغنية على قناة Badr AlSheafani الرسمية عبر يوتيوب

كلمات اغنية والنعم بحرب بدر الشعيفاني:

يا شبل جر اللحن و الراس طايل
الحماس اترند والهقوه بعيده

احتزم ياصوت حرب اهل الفعايل
زلزل الساحه بالالحان الجديده

المواقف ثابته والشكّ زايل
لايمين ولايسار الدرب سيده

ازبن اللي مايمد الاّ الجزايل
وان لفاه الضيف كنّه يوم عيده

خل عنك اللي لاشاف الدم سايل
تضربه نفاضة الحمى الشديده

مانقول الاّ كلامً له دلايل
لا نقصر فالصحيح و لا نزيده

دامت الجمْ ماتغطيه النثايل
ما تغط اهل المواقيف المجيده

في مديح اللّي تزين ابه المثايل
يرسي المعنى على بحر القصيده

مامدحت الاّ كفو يابس بلايل
من كفو وونعم مليانٍ رصيده

افخر بشيخٍ من رجال الاوايل
من وفاه ومن سجاياه الحميده

ياشجاع الصيت مع كل القبايل
وانت ابن متعب وليده من وليده

مثل ماتفخر بني تغلب بـ وايل
تفتخر بك حرب لسنين ٍ مديده

أصوكً مرسي سواة جبال حايل
للكرم والطيب والارياء السديده

لا حصلّك فرصه لفعل الجمايل
من كرمك اتعدّها فرصه سعيده

لين صارت لاجلك اتشدّ الرحايل
مانقول الا عسى سنينك مديده

جود كفك مثل همال المخايل
مانت ضاري بالضعيفه والزهيده

فعلك مثبّت ولا هو قول قايل
من تعزوابك تقول انّك عضيده

لو كتبنا اسمك لحاله فالرسايل
اسمك لحاله ترى جمله مفيده

لا عتزيت بحرب يانعم السلايل
لو دحمت الضلع بجنوبك تبيده

حرب حرب وحرب متعبة الاصايل
كانها حكّة حديده في حديده

حرب حرب اللي يسوّون الهوايل
بالفعول اتطوّع الروس العنيده

حرب حرب و حرب تلطم كل عايل
فالنهار اللي عسى الله لا يعيده

حرب لاجات الفعايل والصمايل
فالموقف كنّها النار الوقيده

يوم قدح النار في روس الفتايل
من تعرّضهم مايبقى له شريده

مايعرفون المخادع والمحايل
عندهم وضح النقا سلم وعقيده

يطنخ الحربي على شتى الوسايل
لا بغى له شي جاب اللي يريده

من طناخة راسه يدوس الملايل
والحميّا تدهر داخل وريده

دام عز اهل الوفاء واهل الجمايل
ودام عزّك ياحكومتنا الرشيده

معلومات عن الاغنية:

كلمات عيضه الثبيتي
الحان بدر الشعيفاني
توزيع ومكس تون لايف

إغلاق