كلمات أغاني
كلمات شيلة هود الليل فايز الدوسري 2022
كلمات شيلة هود الليل فايز الدوسري
كلمات الاغنية:
هوّد الليل ومزاج الهواوي في انقلاب
لين ياضيف الله انهل دمعه وانثره
يارفيقي والمواضيع تسعين الف باب
مير موضوعي لو استرْه حالي ما استره
كل مازادت همومي وزاد الاكتئاب
كل مازدت القصيد وتعبا دفتره
شاعرٍ بين الرياجيل يحسب لي حساب
مير درب الحب دونه ماوقف عنتره
من سلكته صابني منه ضيقه واضطراب
والمشاعر عيّت اتكون تحت السيطره
وش دوا الي يسهِر العين من طول الغياب
واحدٍ تعطيه ووجهك ويعطيك اظهره
فالجفا والوصل مليت من كثر العتاب
انكسر قلبي وراسي ملا الشيب اشعره
وانفطر جرحي وزاد اللتهابه اللتهاب
وانسكب صافي دموعي على الخد اكثره
فتنةٍ اطرد وراها مثل طرد السراب
لوّه ابرجليّ جالي من الطرد اغبره
ماخذه قلبي وعيني وديوان الكتاب
مابقى الا تاخذ الروح وسط المقبره
وماخذه لاول على الزين والسبع العجاب
وما يشابها سوا شكلها في المنظره
زينها يطرح ويطرحك حتى في الخراب
كنه ايقول اقترب لك مصيرك واختره
وحبها وردني الشيب في سن الشباب
عقب طيشي والدله والفخر والبختره.
معلومات:
كلمات: #ناصر_بن_سعد
اداء : #فايز_الدوسري
جرافيكس: #جنوبي_للمونتاج.
