كلمات أغاني

كلمات شيلة ماجد الرسلاني – قربوا لي مربط عنان النعامه

نستعرض معكم ونقدم لكم “كلمات اغنية شيلة ماجد الرسلاني – قربوا لي مربط عنان النعامه 2021” مكتوبة كاملة حيث تم طرح الاغنية على قناة ماجد الرسلاني Majed Alrslani l الرسمية عبر YouTube.

الكلمات:

هات يالشاعر من عيون الجزايل
عين حر بالقصيدة له دلايل
لا احتماها قال انا من صلب وايل
دونهم عمره مثل حذف العمامه

غن يا صوت عنزه والليل توه
واللحن والشعر فيك يزين جوه
غن واللي ناوي تسويه سوه
والفرح يقبل مثل شوف الغمامه

يا مدرج فرحتي قم لا تفرج
يوم قالوا لي أبو فيصل تخرج
كل خيل أفراحي لعينه تسرج
قربوا لي مربط عنان النعامه

جيتنا دكتور ما شي يهزك
جبت حرف الدال قبل اسمك بعزك
أنت رزيت الشهادة ما ترزك
ذا فهيد العز عز الله مفامه

جيتنا مثل المطر والمجد هلا
حر ومن عقب صيداته تفلا
بالمنصات الكبيرات يتعلا
فارس يفرض على الناس إحترامه

يا ولد منصى الرجال ومن يمره
ما يشوف إلا السعد واللي يسره
للثقيله يبتسم لله دره
أكبر العدوان لعلوم الرخامه

إعشوي راع المواقيف الشهيره
عمدة بالطيب ولربعه جبيره
سجل بيمناه بالافعال سيره
فعله بخد المفاخر صار شامه

من رسالين الفخر ما هي غريبه
السناعيس الاواليد المصيبه
كانها بالسيف ولا وقت طيبه
الشهامه للرجال اهل الشهامه

وايلي والوايلي مقدم مفاخر
من زبنهم عين من الخير زاخر
كنها دعوة من العشر الاواخر
العدو لا وقفوا راح بندامه

لاقبلوا بالطيب ولا لو تعدوا
بالرفيق وبالقرايب ما تردوا
من نواهم بالعشاء قبله تغدوا
كل مخضب من الغادي حسامه

الردية عينهم عنها كفيفه
وللرفيق نفوسهم دايم خفيفه
والعدو ما له سوى سيوف رهيفه
ما يعين لا احتمى الموقف سلامه

صفوة الويلان وجبال رواسي
ذكر اللي كان بالامجاد ناسي
كاسبين الطيب وكبار الكراسي
يومنا هذا وإلى يوم القيامه

إغلاق