كلمات أغاني
كلمات شيلة طعنات الثقة فيصل المداريه
نعرض لكم كلمات شيلة طعنات الثقة فيصل المداريه 2022 ، تم رفع الاغنية عبر YouTube ويمكنكم مشاهدة الاغنية على القناة الرسمية والان نقدم لكم الكلمات.
كلمات شيلة طعنات الثقة فيصل المداريه :
طرف الليل وتعرضت نسناس البراد
عنه دلاع الأزارير ماصكيتها
أتفكر فالمقابيل لين الفجر قاد
والصلاه اللي على وقتها صليتها
وعقب بان الصبح الأبيض ولابانت سعاد
أعذروني كاني بإسمها سميتها
كل ما أذكر قصه النص الأول من جماد
ولعت في صدري النار ماطفيتها
قمت أصالي حرها عمد وأذر الرماد
داخل عيون الشماميت لين أعميتها
ضيعتني لمعه الريش فطيور الهداد
وهقوة في رأس من غشها حطيتها
أثر طعنات الثقه وقعها دايم ركاد
يوم جات من أقرب الناس ماصديتها
دمها من فوق كفي وهي تحت الضماد
ليتني على أحدب الضلع ماضميتها
مابغيت ألبس الفاتنه ثوب السواد
قبل ترضى بالمهونه ويهدم بيتها
من نقاء قلبي تخيلت فيها شهرزاد
وإلتمست لها المعاذير وأفتكيتها
والله مايدري بها غير خلاق العباد
بس وين اللي يداري ليا خفيتها
أحلف بالواحد اللي بنا السبع الشداد
والله مايحبونها كثر ماحبيتها !
أضرب نحور المشاوير وأطوف البلاد
ودي أنسى وإن لمست الجروح أدميتها
محدً مثلي وقف بالسيوف وبالعتاد
يوم خلوها على الدرب ماخليتها !
ماعطوها حق أهلها هل السمر الحداد
لين في يمناى من بينهم تليتها
ومن يحسب إنه بفعل الردى فالناس زاد
غلطته في حاضر الحال له رديتها
ويوم قنعته بسوداه في يوم الطراد
الوجيه اللي تبي طيحتي هبيتها
وبعد علقت المشاريه وأسرجت الجواد
لو تناديني على الدرب مامريتها
خلها تلبس على الماضيه ثوب الحداد
والله لايقبل عزايه ليا عزيتها
وفي نهاية مقالتنا قد عرضنا لكم كلمات شيلة طعنات الثقة فيصل المداريه 2022 يمكنكم ايضا متابعة بقية كلمات الاغاني عبر موقعنا.
