كلمات شيلة طبطب – بندر بن عوير

طبطب على كتفي واخذني بالاحضان
‏واسألني شلونك ؟ ولو كذب ، عادي

‏ترى الكلام الحلو في بعض الاحيان
‏يخلّي الاحلام بين الايادي

‏انا بحاجة صوت هادي وتحنان
‏سولف عن التحنان وبصوت هادي

‏وساعدني ألقى فيك راحه وسلوان
‏تراني بوادي وقلبي بوادي

‏يرضيك وانت اغلى بشر واقرب انسان
‏تسكني الغربه وانا في بلادي !

‏وشلون اجي تعبان واروح تعبان
‏بالعاطفه مافيه موقف حيادي

‏العاشق المملي حسافه وخذلان
‏أدنى ما سيّل دمعه اللّاإرادي

‏وارجوك لا تترك مساحة للاحزان
‏بدخل مع احساسك بسجن انفرادي

‏هذي حياتي : لوحه وعلبة الوان
‏وريشة حزن سرقتها من عبادي !!

‏حطيتها قدام عينك على شان
‏تختار فيها لون غير الرمادي

يرضيك وانت اغلى بشر واقرب انسان
‏تسكني الغربه وانا في بلادي !

‏وشلون اجي تعبان واروح تعبان
‏بالعاطفه مافيه موقف حيادي