كلمات شيلة راح ونساني غريب ال مخلص

كلمات شيلة راح و نساني غريب ال مخلص مكتوبة كاملة حيث تم طرح الاغنية عبر اليوتيوب على قناة غريب ال مخلص الرسمية.

كلمات شيلة راح ونساني غريب ال مخلص:

كيف ينساني وانا فالبعد اعاني
كيف يجفاني وانا مقوى جفى

ما غفى جفني بعد هجره ثواني
وجفن عينه ليلة اغيابه غفى

الاناني ما يشوف انّه اناني
يرتجي منْك الوفا لو ما وفى

ماخذٍ منّي كثير ولا عطاني
لو خذا منّي عيوني مَ اكتفى

لجل وصله ذقت منّه ما كفاني
برد ضيمه ضامني عقب الدفى

كنت اظنّه من بحر حبّه رواني
واكتشفت انّه سرابٍ واختفى

من طعونه وش بقى يا قلب ثاني
فوق يا قلبي و لا عنّك خفى

وان تخيّل يوم لا صار بْمكاني
ما لقى من قوّة اجروحه شفى

ويش لي في واحدٍ راح ونساني
عافه الخاطر و لو عاد و لفى

من على اللوعات بصدوده حداني
حالفٍ ماكون من لان و عفى

من بلاني بالقطاعه وابتلاني
ماني اللي في سما عشقه صفى

مات عشقه واندفن و العمْر فاني
ونور وصله داخل الصدر انطفى

معلومات عن الاغنية:

كلمات : ثنيان الثنيان
توزيع ومكساج :م.حازم الابيض استديو الاصالة بالرياض
تصميم : عبدالعزيز
توزيع ديجيتال : الفان ميوزك