كلمات شيلة خزم الخشوم عبدالله ال جفران وجفران بن هضبان

كلمات اغنية خزم الخشوم عبدالله ال جفران وجفران بن هضبان نقدمها لكم على موقع المتكتك ، تم إصدار الاغنية على قناة أبويعقوب Abo_y3gop l عبر YouTube .

الكلمات:

تعيش .. يا عايض .. زبون المواجيب
يالنادر اللي كل مدح خذيته

وصلت لك شي على غيرك صعيب
ونهجت منهاج الفخر ما غويته

اسند على الطيب يقابلك بالطيب
اللي اليا منك نصيته لقيته

الطيب لك منبع و ساس ومجاذيب
يزهاك يا اللي بالفعايل زهيته

حر مزاعه من طويل المراقيب
دايم يجملنا بفعله وصيته

صيتك مع الادنين والا الاجانيب
عز وفخر واللي زرعته جنيته

ابلج حجاج ما ينوشك عذاريب
بنيت صرحا ساميا واعتليته

مجرب لك بالمواقف تجاريب
لا قمت في شأن صعيب قضيته

يالمشعلي .. ما فيك شك ولا ريب
صيتك على جزل المواقف بنيته

المدح ماله عنك صده وتجنيب
ياللي كسبته بالفعل واستميته

كسبت كسب من خيار المكاسيب
وترهي على كسب العلا لا نويته

النعم يذكر عند طاريك م ..يغيب
من طيبك ومن طيب سعيا سعيته

من لابة يثنون دون الحنازيب
مشاعله .. خزم الخشوم العنيته

اهل المصقل و الطوال المزاهيب
يوم الضواري ليلها ما تبيته