كلمات شيلة الملح والزاد ماجد خضير

كلمات شيلة الملح والزاد ماجد خضير

كلمات شيلة الملح والزاد ماجد خضير، الاغنية من كلمات : سيف مهنا السهلي، وتم العرض على قناة الفنان ماجد خضير.

يالله بليل فيه بارق ورعاد
ماعده الزعاق ولا الحصيني

رخمن مقدايمه تهبد تهباد
صوت رعده ماكنه الا حنيني

الى رفق توحيه في روس الاوتاد
هنداب عود شايلن له هجيني

خرير شلالاته تقول فطراد
عجله على القاع وبطاح البطيني

يخلي جروم الشجر حذف وبداد
اطناب قوم من سنه راحليني

بعد ترايع عقب مازل وانقاد
ارخى ثعوله مثل دمع الحزيني

على عشيراً ( منكر ) الملح والزاد
لكن حال الوقت بينه وبيني

عليه نفسي تايقه والتوجاد
( كنه يهل الجمر من وسط عيني )

مشاعري له دوم دراس وجداد
اعده الوافي واشوفه يميني

انا ادري انه من عنى الوقت فجهاد
خفو عليه العذل ياعاذليني

اعاند الدنيا على وصله عناد
لاهيب في يدينه ولا في يديني

ان راد ربي جاك وان كان ماراد
قدره مثل ماهو ولو مايجيني

انشد عنه لو كان ما عنه نشاد
علوم طيبه كل ليله تجيني