كلمات اغنية قرار نهائي المولد خلاص اتفض محمد سلطان

زوار مجلة المتكتك الكرام اليوم نقدم ونستعرض لكم كلمات اغنية قرار نهائي المولد خلاص اتفض محمد سلطان وقد تم صدور الاغنية عبر موقع YouTube على قناة Muhamed Sultan – محمد سلطان.

الكلمات:

المولد خلاص إتفض
وقراري خدته خلاص
انا قفلت باب الود
ب ١٠٠ رزه وبترباس

انا جاتلي عقده بجد
من قلة الأخلاص
مبقتش طايق حد
ولا عايز اعامل ناس
انا اموت وحيد ولا إني
اعامل بشر ظالمني
وبايعني وشايفني
متشالش فوق الراس

انا هعتزل دنيتكوا
وهعيش لنفسي عشان
تعبت من عمايلكوا
سامحوني منا إنسان
ضيعت عمري اوفيلكوا
واطلع جدع واتخان
لا عاد فيا حيل اسامحكوا
ولا ادي حد أمان

بناقص تغور لمتكوا
ووشوشكوا اللي بالالوان
انتوا الشمال سكتكوا
وانا للأسف غلبان
برجوله مهما اعاملكوا
مبتطلعوش جدعان

وفي عيني مهما بشيلكوا
بطلع انا الغلطان
صحيح هعيش وحدي
لكن هعيش في أمان
من شركم محمي
ومن غدركم متصان

في بعدكم راحتي
وف غيابكوا مش قلقان
انا معايا ربنا واللي
معاه الكريم كسبان

لا هموت من الجوع يعني
ولا بعدكوا هيوجعني
ومين فيكو .. كان نفعني
وانا ف شدتي غرقان