كلمات اغنية سرك مسلم مسلسل ولاد الدرب 2022

عزيزي الزائر نقدم لك ونستعرض معك كلمات اغنية سرك مسلم مسلسل ولاد الدرب 2022 ، وقد تم رفع الاغنية عبر YouTube على القناة الرسمية .

الكلمات:

يعلم الله آشنو كاين فالقلب
يمكن نبانلك انا هاني ومن لداخل نايضة الحرب
الدنيا حكارة و كاع ما كتحس بالذنب
و كاع اللي كنتيقو فيهم خارجين لينا من الجنب

قلبي مقبرة لجراحي اللي ثوّارة
خلّى ليمارة اللي خلاني و توارى
و قالو الشعرا بلي الدنيا دوّارة
ربح و خسارة و ما تدوملك نوّارة

يا بني آدم يالي باغي تعرف مالك ؟!
شوف الماضي ديالك و شوف فعالك
لا تظن بلي الجبروت يعلي شانك
يمكن غلطة وحدة ترجعلك حسابك

سرّك فقاع البير و عند الشارب منو
وبلا ما تلوم المحبوب اذا خاب ظنّو
وكاع اللي كانو حباب ما بقاو يحنّو
وكلشي مضّا سنّو

خبّي سرّك المدفون يا اللّي
عمرك ما ظنّيتي بلّي
يمكن حبيبك اللّي كان يولّي
فدار العديان اسرارك يملي

خبّي سرّك المدفون يا اللّي
عمرك ما ظنّيتي بلّي
يمكن حبيبك اللّي كان يولّي
فدار العديان أسرارك يملي

و خبّي سرّك يا اللّي
ما ظنّيتي بلّي
يمكن حبيبك يولّي
كاع أسرارك يملي

يا ما حلمتي دابا جا وقت الكوابيس
ملي كل الناس يعرفو اللّي فالكواليس
كاع اللّي قراب منك غيبانولك جواسيس
غادي يحكمك الشّك فحبس الواساويس

ويا الساقي جنانك بدموع المظلوم
ما جنيتي منها دابا غير لهموم
حكمت الاقدار ليوم تفضح المدفون
و التايق فالدنيا ملعون

و ماشي كاع اللّي باين
فالواقع هو اللّي كاين
شحال من صاحب خاين ؟!
الفرصة كان يساين!!!

قلوب النّاس مقبرة الأسرار
و يا ويلو اللّي دافن فيها العار
و بين الشر و الخير ما يحتار
غير اللّي اختار يلعب بالنّار

خبّي سرّك المدفون يا اللّي
عمرك ما ظنّيتي بلّي
يمكن حبيبك اللّي كان يولّي
فدار العديان أسرارك يملي

خبّي سرّك المدفون يا اللّي
عمرك ما ظنّيتي بلّي
يمكن حبيبك اللّي كان يولّي
فدار العديان أسرارك يملي

و خبّي سرّك يا اللّي
ما ظنّيتي بلّي
يمكن حبيبك يولّي
كاع أسرارك يملي

و خبّي سرّك يا اللّي
ما ظنّيتي بلّي
يمكن حبيبك يولّي
كاع أسرارك يملي

وصلنا لنهاية مقالتنا وعرضنا لكم كلمات اغنية سرك مسلم مسلسل ولاد الدرب 2022 يمكنك ايضا مشاهدة بقية كلمات الاغاني عبر موقعنا .