كلمات أغاني

كلمات مهرجان دنيا غريبه خلق وحوش عصام صاصا

نقدم لكم كلمات مهرجان دنيا غريبه خلق وحوش عصام صاصا الكروان مع حمادة الصغير مكتوبة كاملة من توزيع خالد لولو حيث تم طرح المهرجان عبر اليوتيوب على قناة Essam Saasa.

كلمات مهرجان دنيا غريبه خلق وحوش:

دنيا غريبه خلق وحوش العيش والملح ما صونوش
خانوا فيا كتير ماقدروش صحاب قروش يارب حوش
دول تعابين وبكل لون نفسي في واحد بس يصون
بس انا عمري في يوم ماخون انا مش زبون وحش هكون
عو خضر طلق مطر اخلع يلا واتداره
كلام مقاس انا الاستاذ بحرسلك جوه الحاره
عيال قله جيبتولي عله وتمامكم عقب سيجاره
انا مش شايفكم مش عارفكم لابسلكو نضاره
ارض الطالبيه دول تقال ومسانا لاجدع الرجال
احمد الفلاح من الابطال وابو رقبه ده زينة الرجال
اسمع انتا وهو ياض من الليله قلبي زاد سواد
ومهما حملي عليا زاد هفضل سايق كل البلاد
انا عو وقاهر الوحوش وانتم هلاهيل ماتسندلوش
قلبو تعالولي ماتخافوش لا ماتجروش ضارب خرطوش
ضارب حي ومين جاي ياخدله ضربه في وشه
تكه زرار هتولع نار طلقاتي هتفركشكوا
انتوا مين يامعفنين افتكروا مين نضفكوا
مش ناسيين لا فاكرين لما خدتوا مصارفكوا
ع اللي خان هصب كاس اي خاين تحت المداس
بقلبي كسبت حب الناس وانتا جالك امر نفاذ
انا مش هشتري اللي شاريني اي اصيل شايله في عيني
ربي لواحده اللي حاميني ده انا تعبان من سنيني
حبيبة قلبي روحي انا شوفت معاها الهنا
حبيتها يجي من كام سنة وعقلي راح مابقاش هنا
عشق حياتي ياناس دي لوز سحراني ام عينيها الجوز
خدود تفاح وجسم موز احلي كيكه نوعها هوهوز
هي الحياه انا قلبي تاه بفرح اوي لما بشوفها
دي عسليه ماليه عينيا ياخرابي علي شفايفها
ياقلبي انا انتي الهنا وباقي الحريم بكرفها
هي اصيله روحها جميله في قلبي هدق حروفها
خصامه منه منفسنه وهيفضل عالي في السما
صحبة مين بطلت اصاحب خبث مكر شر ساحب
بقيت اكره كل الحبايب في القرايب ظني خايب
بكره نفسي لاني طيب حتي جرحي من القريب
بيعيبوا فيا عيب يشيب بجد انا مش بعيب
في الصحاب ظني خاب واعمل ايه في الدنيا دي
حتي الاحبه طلعوا كدبه مكانش في بالي للحرجه دي
اجيبها يمين تجيلي شمال وكل حاجه واقفه قصادي
من الليلة دي قلبي قسي مابقاش فيها تراضي
عيشت فيلم غصب عني الابطال طلعوا اللي مني
لا يانفسي بلاش تحني من الليله دي حضرت جني
لفي يادنيا بينا دوري عمري في يوم مازاد غروروي
بس لما يجي دوري هقتلكوا انا وهدوس شعوري

معلومات عن المهرجان:

كلمات: عصام صاصا
موسيقي: خالد لولو

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق