كلمات شيلة استحل القلب – الوليد ال عامر و محمد ال دلبج

استحل القلب ملكك استحله
وخذ من الخفاق كل اللي تباه

الغلا تستاهله لي ياك كله
يا محب طاغي بقلبي غلاه

استغل اللي تباء انته استغله
فدوتك قلبي وكل اما حواه

والله و اثني عليها بعد والله
ان حبك ماسكن قلبي سواه

فيك زين ما خلق مثله يدله
كل وصف فيك واصل منتهاه

عودك الفارع خذاه الطول تله
فوق حسن القدلي ربي عطاه

عين ظبي نادر والخشم سله
ورمش لا سلهم غدا لخده غطاه

الحجاج تقول قوسين الاهله
جل ربي ابدع برسمه زواه

لا تروح بعيد وتزيد التوله
الوله والشوق محبوبك براه

تحيي عروق المعني منك طله
وبسمتك تسوى ملذات الحياه

خذ من افراحي وضيق الصدر خله
واطلب اللي انت من خلك تباه

الحجاج السمح بالبسمات فله
يعل هذا الوجه ما يعكر صفاه