كلمات أغاني

كلمات قصيدة التحرير العراقية مأمون النطاح

إليكم كلمات قصيدة التحرير على مجلة المتكتك

كلمات قصيدة التحرير
ابد ميضيع حقنا بساحة التحرير
دام البصرة تهتف تفزع الحلة
وعلى صوت السماوه تنتخي نيسان
وتصرخ كربلا مانقبل الذلة

مصنع للمراجل عدنا في ذي قار
وابطال النجف صارولهم علة
الديالى سكتت من حشموها الكوم
رغم كل الحظر ما خذلو الملة

وأهل القادسية تنادي ويه الكوت
ياخي عون الوطن لو راد حضن اهله
واهل بغداد ثورة مأججة من الساس
هاي امنا الغدت من جورهم ثكلى

وحكك يابن ثنوه وكل شهيد وياك
الا من الأساس نشيل هالشلة
يضل اسمك فجر مايغيب نوره بيوم

مادنكت راس ودورت ختله
قوم انهض وشوف شسوت النسوان
تحت في الشوارب هلهلت كزله

هاي تلم دوا وتضمد الينصاب
ومن برج الكرامة اتكحلت كحله
اكتبخت صبرها برغم تشكي العوز
واكو باعت ذهبها وجهزت حملة

وشسولفلك بعد عن ثورة الطلاب
لو عنا ابو التكتك من لعب جولة
وشسولفلك بعد عن ثورة الطلاب
وابو التوك توك البيهم من لعب جولة

لو قواتنا صارت درع للناس
ما معقولة منهم تطلع الذلة
هتفنا بصوت واحد ما نريد ذيول
اجا وكت اللي بيه العايب نبدله
شبعنا محاصصة والطائفية اشكال

وارهاب وفساد بكل شبر شتله
شعب رايد وطن مابيوك من زمان
هتف سلمية طفلة ويافعة وكهلة

كبر بينا الامل من شع فجر تشرين
ومن هاليوم تبقه موهجة الشعلة
ومن هاليوم تبقه موهجة الشعلة

قصيدة التحرير
أداء: مأمون النطاح
عزف كمان: هيثم سعدون

الوسوم
إغلاق