كلمات أغاني

كلمات شيلة يا وجودي – فالح الطوق

كلمات اغنية شيلة يا وجودي – فالح الطوق نقدمها لكم على موقع المتكتك ، تم إصدار الاغنية عبر YouTube .

الكلمات:

من نشد حالك كذا قلت والله العظيم
ان حزني يكفي الكون كله باكملة

يا وجودي دمع عيني مثل دمع اليتيم
لا انطوى في ركنة الباب من فقده هله

يا وجودي وجد من بين زمزم والحطيم
من عظم ذنبه ولو تاب ما قبل عمله

يا وجودي وجد عودٍ قضى عمره عقيم
ورزقة ربي ولد عق فيه وحمّله

يا وجودي وجد من سجن ابوه وهو فطيم
ارهنوه وكلم اخوه وعيا يكفله

يا وجودي وجد من كفل ابن عمه لزيم
ويوم دار الوقت وثم جاه ما الله جمله

يا وجودي وجد من غزة ابليس الرجيم
طاوع اهل الشر في اخوه لين انه اقتله

يا وجودي وجد من طاح فيدين الغريم
واعتزا ما به سلاح وعرف ماهيب له

يا وجودي كل ليلً وانا همي امقيم
وضيق صدري ما نفع فيه حتى البسملة

من فراق اللي فراقة على صدري جحيم
اشهد انه غالي وله بقلبي منزلة

بين ظلم الحزن والوقت والليل العتيم
طاح نجمً من سماء الحظ وانهد جبله

فاقد ً عمي وخالي وجدي واللزيم
اه يا غيدان يا ليت فالقبر ابدله

والله ان يبطون ما جابوا بطون الحريم
مثله الا الزرع حبه بذور السنبلة

قد تشالا الجرح من يوم قالوا لي سليم
واثر حبل العمر يطوى وعوقة عجله

قلت يمكن غيبة الكهف واصحاب الرقيم
قالوا الا رحلت الموت رحلة مطوله

ايش لولا الله وتلاوة الشيخ الشريم
كان يمكن جر تثليث دمعي سيّله

اشتكي لله واشكي على ابوي ودليم
اه من حزني وفقده علينا مثقلة

فاقد عضدي وزندي وشريان الصميم
وعيني وخشمي ومتني زماني ميّله

ويش اقول الا طريق الصراط المستقيم
درب منهو يعشق المرجله والطايلة

عارف وحماي وسنافي وقرم وكريم
وذرب وحصان ومقدر وراعي مرجله

الشنار الصامل الصافي العدم العديم
والسعادة والسمو والصفوف الاوله

وافي وثابت وصادق وفزاع وحليم
لو به انسان كمل قلت ربي كمله

ما يعرف الا على خشمي وربك كريم
وابشر وحاضر وعندي وعونك وازهله

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق