كلمات أغاني

كلمات شيلة اكبر غنيمة ماجد خضير

كلمات شيلة اكبر غنيمة ماجد خضير مكتوبة كاملة و قد تم طرح الأغنية على اليوتيوب عبر قناة ماجد خضير Majed Khudair .

كلمات اغنية اكبر غنيمة ماجد خضير:

ياكثر ما زعلت بعض القرايح
لو كان ماضريتها بالهزيمه

اسمع دنين رعود والبرق لايح
واقول يمكن يعقب السيل ديمه

والشعر بحرٍ يارده كل مايح
ومقيم والدنيا الطويله مقيمه

عليه ضول الناس مقبل ورايح
والاغلبيه فوق جاله محيمه

ياقوم ياشعار بعض المدايح
لاتبهتون انفوسكم بالظليمه

مايكسب الكذاب غير الفضايح
والذل ووزار الرياء والنميمه

والمدح جايز في رموز الشرايح
الطيبين اهل الفعول العظيمه

مايبرزون الا ليا صاح صايح
اللي لهم عند المهمات قيمه

اما عطوك من النصايح نصايح
ولا قضو لازمك فزعه وشيمه

قلّه وسمعتهم كما العطر فايح
سواة ابو خالد عسى الله يديمه

ضيدان شيال الحمول الجوايح
الوافي الساطي قوي العزيمه

ذباح لضيوفه سمان الذبايح
طلق الحجاج اللي يمينه كريمه

نجمٍ بزغ ماهوب فالارض طايح
يسرا بنوره فالليال العتيمه

ذكره مثل غر المزون الروايح
وفعلة مكمل للفعول القديمه

نعم الرفيق اللي له السر بايح
يعطيك وجهه مايذب الخريمه

اجيه ضايق صدر واروح سايح
شهمٍ رفيقه مايشوف الهضيمه

حرز وحجا مازاح مع كل زايح
وانا اشهد انه كنز واكبر غنيمه

هو مكسبي يامدورين الربايح
وهو مسندي فالمعضلات الجسيمه

علي له معروف مبغى منايح
ماانساه حتى ياصل العمر تيمه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق