كلمات شيلة عين بدوي – فايز العتيبي

كلمات اغنية عين بدوي – فايز العتيبي مكتوبة كاملة وتم صدور الاغنية عبر يوتيوب على قناة فايز العتيبي | Fayez Al Oteibi الرسمية عبر YouTube.

الكلمات:

ابك السعه وين و الا راحت البال وين
الصدر ماهو خلي والضيق وجهه قوي

ماني مع السامرين ولامع النايمين
ياراسي راسي وياتفكيري الفوضوي

النوم عيا يجي والجو عيا يزين
والليل ماهو خوي والصبح ماهو خوي

الله لايجزا الطواري خير والله يعين
محدن شرب من سراب القاع والا روي

وينك ياغر السحابه ليه ما تمطرين
ياغلى من الوسم لابكر بعين بدوي

يامونت اللي يبا الثنتين دنيا ودين
اليا وقف مستوي والا جلس مستوي

انتي من اللي ماتوخذ غير بالاحمرين
من دونك الموت الاحمر والذياب تعوي

صفراً نسبها مع التالين والاولين
فرسانها من ذوي وهوي بعد من ذوي

مدري على وسع عينك كيف ماجاك عين
والناس بعيونها تزوي بعضها زوي

عين اشقرً مايطيح بـــ فخ والاكمين
لاحرف على الجول راح الجول منه ثعوي

والي يعرفونه اللي يبخصون الثمين
مامثله الا مع المكتوم وابن جلوي

انا وش اقول لاجيتي ومتى تجين
وايامنا تنطوي واعمارنا تنطوي