كلمات أغاني
كلمات اغنية ليل المحبه عبدالمجيد عبدالله 2022
ننشر لكم كلمات اغنية ليل المحبه عبدالمجيد عبدالله وصدرت الاغنية على يوتيوب من كلمات محمد الخاجة والحان احمد الهرمي…
كلمات الاغنية:
ابتدى ليل المحبّه والسعد أوّل ضيوفه
ليله تسوى الف ليله تحتفي باللي حضرها
هالفرح طال انتظاره والعيون امست لهوفه
تحتري احلى الخلايق والحلا اللي غمرها
القمر من يوم طلّت استحى واعلن خسوفه
هي ملاك الحسن شيخه نور هالدنيا وقمرها
يا مسا الانوار يا ليل السعد
يا عسى الافراح تبقى للابد
زانت الليله بشيخة بنت علي
مع سليل الطيب ناصر بن فهد
مكتمل بالزين وجهٍ يذكر الله من يشوفه
خصّها ربّي وعطاها سحر هالعين وحورها
ما توّفيها قصايد والشعر تعجز حروفه
احلى من كل الوصايف كيف نقدر نختصرها
كلّها ذوق وعذوبه رقّه واخلاق وعطوفه
قلبها مثل السحابه تروي الروح بمطرها
يا مسا الانوار يا ليل السعد
يا عسى الافراح تبقى للابد
زانت الليله بشيخة بنت علي
مع سليل الطيب ناصر بن فهد
حظ من فاز وشراها وساكنه في وسط جوفه
قلبه يعد الليالي بلهفه وبشوق انتظرها
وش كثر عنده غلاها وش كثر تعشق وصوفه
بالبشر ما غير ناصر يملي دنياها ونظرها
فرحةٍ الله كتبها للعمر اجمل صدوفه
يا عسى ربّي يهنّي شيخه بفرحة عمرها
يا مسا الانوار يا ليل السعد
يا عسى الافراح تبقى للابد
زانت الليله بشيخة بنت علي
مع سليل الطيب ناصر بن فهد
