كلمات أغاني

كلمات اغنية حبة ورق محمد سلطان

كلمات أغنية حبة ورق محمد سلطان مكتوبة كاملة حيث صدرت الاغنية على قناة Muhamed Sultan – محمد سلطان الرسمية عبر يوتيوب

كلمات اغنية حبة ورق محمد سلطان:

‏كل حاجة الفلوس يلا بيع واشتري
حرب دايرة بغباء والسباق ابتدا
واللي يعلى بيعلى وقوام يفتري
هو ايه اللي سود قلوبنا كده

دلوقتي العشرة كلام
لا عشرة ايه
بيقولوا هتدفع كام
تتحب عليه
يتقالك يا حبيب أخوك
وتلف قوام ياكلوك
حتى التقدير يا كبير
بقى دلوقتي تمنه جنيه

الناس ليه عـ القرش اتغابوا
زي وحوش على بعض اتسابوا
واخوة وعشرة وصحوبية
كل دا مبنعملش حسابوا

بقت الماديات بتسوقنا
يوم عن يوم بتزود سوءنا
زي ما جينا هنطلع منها
كلنا راجعين للي خالقنا

الخير مبقاش لسه بخيره
كله خلاص باصص على غيره
جمع كل فلوس العالم
والله هيخلصوا ويطيروا

كله خلاص بقى عامل قاضي
بنقطع بعض على الفاضي
اطمع مهما هتطمع برضه
انت هتمشي وجيبك فاضي

الحكاية ببساطة شوية ورق
خلوا كل اللي فينا شوية طمع
بقيت تأذي غيرك وتقبل عرق
وتعمل بلاوي و تعمل بدع

غل وتقطيع أرحام
حنية مفيش
الناس تظلم وتنام
عادي وبتعيش
وفلوس خلت الاخوات
عايشين للماديات
ومصالح خد على هات
زحمة وكله بياكل عيش

أهي دنيا وبنعافر فيها
وعاليها بقى مساوي واطيها
كله بيخطف عايز حتة
كله خلاص فيها ليخفيها

الناس ليه نيتهم سودة
دي العكحة فـ ايدك محسودة
اللي فـ قصر وعنده وعنده
يبقى باصصلك وانت فـ أوضة

في ناس تقبص تمن العيبة
ويقولوا عليهم كسيبة
ناس تانية فـ الصخر بتفحت
ناس تدفع عـ الضحكة ضريبة

ملعون القرش اللي عمانا
ومخلاش جوانا أمانة
وحلال تاه فـ حرام والله
ضايعين ربنا يتولانا

معلومات عن الاغنية:

اغنية : حبة ورق
غناء : محمد سلطان
كلمات : احمد غريب
الحان : محمد سلطا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق