كلمات شيلة اهل الشدايد اسعد البطحري

زوار مجلة المتكتك الكرام اليوم نقدم ونستعرض لكم كلمات اغنية اهل الشدايد اسعد البطحري وقد تم صدور الاغنية عبر موقع YouTube على قناة المفارق ALMFARIG.

الكلمات:

خلوا أهل الهين تربط احزمتها
مدرج المضمار ع الضمار كايد
العيون ترف م الحفزه اهدبتها
والقلوب تدن دنات الرعايد

به كرات الدم يبسٰت ف اوردتها
غير من حضر فريده م الفرايد
دوس يدها آخف من وزن شعرتها
وضلعها مقوس شرى هلال المسايد

لا انشرت ف الشوط والعالم برتها
تقلب الكيلو قلب شلف الجرايد
م الرهاوه ما تشوف منافستها
والشدايد ترضخ لاهل الشدايد

شغلوا الشلات هذي مناسبتها
تولد الشلات م بطون القصايد
ودورة الذيد الكفوف اللي عمرتها
كف ابو خالد محمد نسل زايد

لين نشلت بين خلق الله رقبتها
واعمروها بالرموز وبالجلايد
صوبها العربان تهوي افئدتها
حد منهم مستفيد وحد فايد

ما بقت دوره يمينه ما اكرمتها
كل عام نشوف ف الشاره زوايد
من قبل تضلع يمينه اوسمتها
للهجن بنواعها مشرى وتلايد

من مسار الريس لين مزاينتها
اكرم الهجن وأهلها وله عوايد
من عهد زايد وخلق الله اشهدتها
ولا شبه زايد يا غير عيال زايد
كل نفس انزلوها منزلتها
وابذلوا وايد ونفعوا ناس وايد