كلمات أغاني
كلمات مرثيه اب لابنه فلاح المسردي 2021
زوارنا الاعزاء نقدم لكم ونستعرض كلمات اغنية مرثيه اب لابنه فلاح المسردي وقد صدرت الاغنية عبر موقع YouTube على قناة فلاح المسردي Falah Almesrdi I.
الكلمات:
واطيري اللي من يدي فالسما حام
ارجيه لكن غيبته الليالي
الله حسيبي في مقادير الايام
كم فرقت مابين غالي وغالي
باسبابها راحوا عباد الله اقسام
وانا الضحية والخسارة حلالي
عامٍ مضى والعام يمضي ورى العام
ولا فيه يومٍ مرني ما طرى لي
يطري علي طاريه فالبيت والزام
ومنين ما وجّهت طيفه قبالي
حتى بوقت النوم اشوفه بالاحلام
لا وهني اللي من الفقد سالي
واليا بغيت اسج واروح قدام
يطري علي لين يتضايق مجالي
والله لولا اني على دين الاسلام
ومومن بما يقسم عزيز الجلالي
لا اصيح صيحة من حكم له بالاعدام
وادعيه باعلى الصوت في كل عالي
ابوك يا ظافر تحطم تحطام
حوّل من احزانه بجرفٍ هيالي
يمشي بدون شعور وان طاح ما قام
ولا عاد ميّز بين مرٍ وحالي
واللي بكى غاليه ماهوب ينلام
لاهل دمعه فوق خده وسالي
ولا لي الا الصبر في كل الاحكام
والله يصبرني على ما جرى لي
