كلمات أغاني

كلمات مهرجان ارتجاج في المخ امين خطاب

كلمات مهرجان ارتجاج في المخ امين خطاب مكتوبة كاملة حيث صدر المهرجان على قناة العبد للإنتاج الفني – El Abd Production الرسمية عبر يوتيوب

كلمات مهرجان ارتجاج في المخ امين خطاب:

‏ارتجاج فى المخ للى بيرمى أى كلام
بالسلاح يتطخ هصدر حكم بالأعدام
والرصاص هيرخ أصلى فى العراك هجام
يتركن وينخ ويجيب ورا مش قدام

قلبى جايبنى معاكو لسكة الاجرام
عقلى لاغيه مش هقول لأه ده عيب وحرام
الكلام ببلاش وشكلكو بتوع أفلام
انتو كلامنجية ولا تنفعوا أخصام

أى حد دماغه تهرب ده آخر إنذار
ييجى متبستف ومتكتف حبايبى كتار
هعمل اللقطة وهادى الخبطة تولع نار
مخى ضارب لما أحارب ضربتى بعيار

أول الخطة دبحت القطة للفاشلين
فرتك الجبهة ما هى مش ناقصة مبتدئين
غابة وقرودها سكتلهم بقوا هايصين
لو الأسد سابها تلاقيهم متنططين

الصحاب على كل لون يابتستا دول ألوان
فيهم اللى يصون وفى خاين ملهش أمان
واللى بيزاولك فى ضهرك ليه مفيش سلكان
واللى بيصاحبك عشان المادة والدخان

فى زميل دكة ودراسة وفى صاحب جيش
فى صاحب يعمل حساب قسمة رغيف العيش
فيهم العاقل وفيهم اللى غاوى الطيش
و اللى مهما بعدت عنه لا ما يتنسيش

بالمواقف مش سنين تتعد كده وخلاص
فى صحاب عشرتها عمر بس طلعو رخاص
طبع ما اتغيرش أصلهم كده فى الأساس
فى صحاب مش من زمان بس أجدع ناس

فى المجال اسمى بطل رسمى وقلبى حديد
يلا بارزنى هتخرج بالخسارة أكيد
اصحى وإحذرنى أنا بضرب بضهر الإيد
سيبنى انا أجدد وخليك إنت فى التقليد

إوعى تتهور لتتعور هزارى تقيل
خلقى بقى ضيق معنديش حمل للهلاهيل
فنجرية بق ماشيين بس بالتهليل
لو هنلعب ماتش أحرف حد فيكو يشيل

الحياة دايسة وبتزود وجع بالكوم
كله بيدارى وبيخبى وعنده هموم
شقيانين فى اللقمة علشان رزق يوم بيوم
السعادة فى الرضا ياخلق بالمقسوم

معلومات عن المهرجان:

توزيع كيمو الديب
انتاج فيصل العبد

إغلاق