كلمات أغاني

كلمات اغنية انا بايع وائل الغمراوي

نعرض لكم كلمات اغنية انا بايع وائل الغمراوي
تم عرض الاغنية اول مرة عبر يوتيوب على قناة الأسطورة للإنتاج الفني

الكلمات – lyrics :

الدنيا دي فيها العجب
هما العجايب وصلوا كام
في ناس بتأذي بدون سبب
والعشرة ملهاش احترام
الناس خلاص بقوا ألف نوع
فيها اللي يشبع بعد جوع
وناس تطبل عـ الخشب
وناس تطبل بالكلام

مفيش صاحب عليه العين
مفيش صاحب جدع وأمين
ودايما قرعتي واقعة
فـ كل العولة والخاينين

انا بايع
ولو رايحين أنا راجع
انا بايع
أنا على حيلي مش واقع

معديكوا
ومعرفتي تعليكوا
معديكوا
واسمي كبير قوي عليكوا

مفيش عشرة مفيش اخوات
دي ماشية بالتلت ورقات
وكبرت العيال وخلاص
عليا بيعملوا بشوات

ولما عليا بان الخير
لقيتهم كلهم طوابير
ومال الحال لقيت أندال
مشوفتش ريحة التقدير

أنا بايع

أنا عـ الجدعنة اتربيت
وعمري ما كنت مرة حويط
بسيب الكل ياكل عيش
عبيط اللي فاكرني عبيط

مبتهزش لأي جبان
وصعب الخوف عليا يبان
عشان راجل بميت راجل
ومتربي فـ بيت شبعان

أنا رايح
وهقلب صفحة امبارح
أنا رايح
ولا هصفى ولا مسامح

هتتراضى
وهكسب برضه كالعادة
هتتراضى
وهاخد حقي بزيادة

انا مبخافش أي تخين
وماشي بوش مش وشين
بعاشر ناس شمال بالكوم
وطول عمري ماشيها يمين

أنا الاسم اللي عامل خوف
عشان بلعب على المكشوف
وسيرتي بترعب الناقصين
ومني وشهم مخطوف
أنا بايع

معلومات عن الاغنية :

 اغنيه انا بايع
غناء وائل الغمراوي
كلمات أحمد غريب
الحان وائل الغمراوي

وصلنا الى نهاية مقالتنا عرضنا لكم اعلاه كلمات اغنية انا بايع وائل الغمراوي يمكنكم متابعة اجدد كلمات الاغاني عبر رئيسية الموقع.

مقالات ذات صلة

إغلاق