كلمات أغاني

كلمات اغنية الشىء ارسينك Arsenik

كلمات اغنية الشيىء ارسينك مكتوبة كاملة حيث تم طرح الاغنية عبر اليوتيوب على قناة ARSENIK.

كلمات اغنية الشىء ارسينك:

محدش ليه فضل عليا في الشىء دة انا بدأته لوحدي ولوحدي هرتقي
انا وحش بفتري على اللي مرازيني وملهوف انه ياكل من لحمي في ذلتي
لو قوتي الحالية قالقاكوا دي مصيبة لاني يا دوبك بحمي وببتدى
الحرب اللي هثبت فيها ان اغلبكوا مقامه في الفن تحت جزمتي
الشئ دة هو اللي فاضلي من الحلو اللي ضاع في لحظة ومبقتش بشوفوا
همشت تقريبا كل شئ لاجله واي شئ تاني غيره سيبته بظروفه
انت وصلت بالحك اما انا حاربت لوجوده ملخص اللي بقوله
متفكرش انك تتحدى واحد لما وصل للي فيه ده وصله بمجهوده
حبكوا كان فين لما وقعت والشعر في كلامكوا ليا بعد ايه بتقولوه
اسلكوا لنفسكم الاول بعدين انصحوني وقولولي اعمل ايه ومعملوش
ببص لابعد مما عينيك بتودي قاتلهم بالحق دة كيف في كتابتي
فمش هوقف لو سيف في رقبتي اتولدت وهتوفى بالشئ دة ف دمي
ولعلمك لو فاكر اني عادي زييك زييهم يبقى انت لسة مش قاريني
عشر سنين من دلوقت يوم بدايتي دة هيبقى يوم تاريخي
انا كنت غبي لما كنت فاكر ان الفرصة مش هتيجي
فعملت حسابي لكل خطوة جاية فمالك انهاردة وبكرة في ايدي
انا سابقكوا زي الضوء . احترامي بقى قاعدة ثابتة
انا في ساحتكوا زي الموت . مبجيش غير مرة واحدة
تسديدي اخره دايما جول . عشان سكتي خضرة سالكة
حتى لو مش شايف النوم . عمري ما هبطل احلم
مهما يطلع ميتيني الزمن بكمل واقول ده نصيبي واتقسم
عشان ياما ندمت لسنين ع اللي اختفى وفهمت اني مش بستفيد من الندم
يوم ما اطلع يبقى اللي انا فيه مش من عدم عشان هبني بايدي طريقي للسما
لاني مجيتش من عيلة غنية العيلة الغنية هتيجي منى انا
فلما اكتب عن وساخة الوسط دة مش معناه اني بذكرله مطالبي
بتكلم عن اللي مدايقني كشخص فمش مهم تبقوا كلكوا في صفي
لو حقي في السما هستنى للاخرة وفي الدنيا هتوبله واسجدله واصلي
ولو حقي موجود تحت الارض هجيبه حتى لو اضطريت احفرله بضوافري
دي مش مجرد طاقة مبتدئ انا هنا من زمان بس الفن الهابط مكتسح
بالنسبالهم في المجال انا زي مواطن مغترب عشان مش زييهم نمطي انا مساري مختلف
محروقين وانا متعتي اني ازود نار الملتهب عشان رغم اني ببتدي مصنف قاتل محترف
زي إليان في الفضاء انا نجم ساطع مرتفع لكن في الحرب انا نيزك للارض قادم مندفع
حتى لو طلعت من الحرب بخسارة ومنهزم مش ببص ورا ضهرى عمري للماضي ما التفت
مفيش حد في البشر كامل الاوصاف ومكتمل ده سبب مديني الجراة اني باخطائي معترف
انا متصاب ومنهمك بس رغم ده انا واقف للجمهور وانا في ضهرى الطلقات ومبتسم
مازلت صامد محتزم انا ثابت لمماتي كل ما اقع بقف وحدي انا تلقائي متزن

معلومات عن الاغنية:

كلمات واعداد وانتاج: ارسينك
ميكس وماستر: ارسينك
مونتاج: بلال عادل

إغلاق