كلمات أغاني

كلمات اغنية تراك زياد الدساس وروان مش قد البعاد

“كلمات اغنية تراك زياد الدساس وروان مش قد البعاد 2021” مكتوبة كاملة تم طرح الاغنية عبر يوتيوب على قناة زياد الدساس • Zeyad El-Dassas الرسمية.

معلومات الاغنية:

#زياد_الدساس #روان #مش_قد_البعاد

كلمات الاغنية:

واحشني حبيبي و مش هخبي بُعدك تاعبلي قلبي
كل شويه بيتهيألي و اشوفك لسا جمبي
وحشتني كلمة ” بنتي ” وحشني كل كلامك
بعدك بقيت بقول للكل ” ولا يوم من ايامك “

و انتي كمان وحشاني بعدك اصبحت شخص تاني
يا بخت من بكاني بعدنا و عايزها و عايزاني
إديتك كل الورد و إتبقالي في قلبي الشوك
كان بينا وعد و بعد ما سيبنا بعض قتلني الشوق

طمني عليك عرفني بعدي اخبارك ايه ؟
وحشتني عينيك و غيبت عني و مبتسألش ليه !!
بنتك ملهاش حد بعدك متزيدش في بُعدك
بعدك انا في غُربه و نِفسي إني ارجع تاني في حُضنك

و انا مش كويس زيك سايب حته مني عندك
كِنتي بنتي و كنت بيِّك بعدك قلبي بقى متفرتك
وحشتني إيديكي تلمسني ياللي روحك ساكنه جسمي
وحشتني كلمة ” بابا ” و طريقة نُطقك لـ إسمي

طالما احنا مش قد البعاد طب ليه العناد !؟
و ايه يعني ما بينا بلاد هنرجع بكره و بينا معاد
بعيش عـ الذكريات معرفتش امسح الشاتات
عمري ما نسيتك ولا اقدر حُبك عايش عُمره ما مات

بعد الغياب معرفتش احب قفلت الباب
مش فارق مين اللي ساب كان ممكن نرجع بالعتاب
و انتي رفضتي تعاتبي و انا كمان رفضت اعاتبك
كان نِفسي إني افضل جمبك يعني اللي وصلناله عاجبك ؟

لا مش عاجبني و ياريتني قبلت إنك تعاتبني
اهد فـ تبني تهد فـ ابني ما نابني إلا الجرح اللي تاعبني
كان نِفسي تكلمني و تقوللي ” انتي وحشتيني ”
بعدك انا وحيده و كنت إنت الحلو في سنيني

و اديني لوحدي كمان منسيتش بالأيام
ده انا لحد الأن مازلت بروح امشي في نفس المكان
و ياخدني السرَحان و اتخيّلك موجوده معايا
و لأن النهايات اخلاق بفتكرك بالخير للنهايه

و انا كمان فاكراك مقدرتش يوم انساك
راجل و طيب تستاهل احسن حد معاك
و لو هتكلم و احكي عنك مش هتكفي ساعات طويله
هفضل فاكراك بالخير علشان ما بينا ايام جميله

طالما احنا مش قد البعاد طب ليه العناد !؟
و ايه يعني ما بينا بلاد هنرجع بكره و بينا معاد
بعيش عـ الذكريات معرفتش امسح الشاتات
عمري ما نسيتك ولا اقدر حُبك عايش عُمره ما مات

إغلاق